გარემოს დაცვისა და სოფლის მეურნეობის სამინისტროს შპს „საქართველოს მელიორაციამ“ სოფელ კარდენახში გამანაწილებელი არხის მოწესრიგება დაასრულა. არხის 1000-მეტრიანი მონაკვეთი დანალექი გრუნტისგან და ხე-ბუჩქნარისგან გაიწმინდა. აღნიშნული სამუშაოების ჩატარების შემდეგ, სარწყავი სისტემის გამტარუნარიანობა გაიზარდა, რამაც 40 ჰექტარ სასოფლო-სამეურნეო მიწის ფართობზე წყალუზრუნველყოფა გააუმჯობესა. სარწყავი წყლის სტაბილურად მიწოდება ადგილობრივ ფერმერებს ხელს შეუწყობს ხარისხიანი სასოფლო-სამეურნეო პროდუქციის წარმოებაში.
აღსანიშნავია, რომ კახეთში, 2012-2024 წლებში განხორციელებული სამელიორაციო ინფრასტრუქტურული პროექტების შედეგად, 20 140 ჰექტარ სასოფლო-სამეურნეო მიწის ფართობია წყალუზრუნველყოფილი, სარწყავი წყლის მიწოდება 16 285 ჰექტარზე გაუმჯობესდა, დრენირებული მიწის ფართობის რაოდენობა 8 725 ჰექტარია.
