რუსეთის პრეზიდენტი ვლადიმირ პუტინია რუსეთ-უკრაინის ომის გაგრძელების მთავარი მიზეზია, - ამის შესახებ ნატო-ს გენერალურმა მდივანმა, მარკ რუტემ Bild-თან ინტერვიუში განაცხადა.
ნატო-ს გენერალური მდივანი მიიჩნევს, რომ რუსეთის ლიდერი მზადაა, 1.1 მილიონი ადამიანი გაწიროს, ისე რომ მნიშვნელოვან სამხედრო გამარჯვებებს ვერ მიაღწიოს.
„წელს მან [პუტინმა] მხოლოდ ძალიან მცირე პროგრესს მიაღწია - მინიმალურ ტერიტორიულ წინსვლას, წლის დასაწყისთან შედარებით უკრაინის ტერიტორიის 1%-ზე ნაკლები.
ჩვენი შეფასებით, რუსეთის მხრიდან 1.1 მილიონამდე ადამიანი დაიღუპა ან დაიჭრა. ეს საშინელებაა. მაგრამ ეს არის სიტუაცია, რომელთანაც ჩვენ გვაქვს საქმე“, - თქვა რუტემ.
მისი თქმით, აშშ-ის პრეზიდენტი დონალდ ტრამპი ომის დასრულების აბსოლუტურად ერთგულია.
„ის [ტრამპი] ამ ომის დასრულებაზეა ორიენტირებული. ის ერთადერთია, ვინც შეძლო პუტინი მოლაპარაკების მაგიდასთან დაესვა და ერთადერთია, ვისაც საბოლოოდ შეუძლია აიძულოს დათანხმდეს მშვიდობას. ამის გამო მას დიდ პატივს ვცემ“, - თქვა რუტემ.
