გარემოს დაცვისა და სოფლის მეურნეობის სამინისტროს შპს „საქართველოს მელიორაციამ“ სიღნაღის მუნიციპალიტეტის სოფელ ვაქირში დამშრობი არხის გაწმენდითი სამუშაოები დაასრულა. დანალექი გრუნტისგან დამშრობი არხის 1000 მეტრიანი მონაკვეთი გაიწმინდა.
სამუშაოების დასრულების შემდეგ, 20 ჰექტარი მიწის ფართობი გრუნტის წყლებისგან გათავისუფლდა, ხოლო 45 ჰექტარ ტბორზე მნიშვნელოვნად გაუმჯობესდა წყლის მიწოდება.
აღნიშნული ღონისძიებები ხელს შეუწყობს მიწის რესურსების ეფექტიან გამოყენებას და სოფლის მეურნეობის განვითარებას.
კახეთში, 2012-2024 წლებში განხორციელებული სამელიორაციო ინფრასტრუქტურული პროექტების შედეგად, 20 140 ჰექტარ სასოფლო-სამეურნეო მიწის ფართობია წყალუზრუნველყოფილი, სარწყავი წყლის მიწოდება 16 285 ჰექტარზე გაუმჯობესდა, დრენირებული მიწის ფართობის რაოდენობა 8 725 ჰექტარია.
ინფორმაციას გარემოს დაცვისა და სოფლის მეურნეობის სამინისტრო ავრცელებს
