საქართველოში ფასების ზრდის შესაბამისად, ბოლო ერთი წლის განმავლობაში პენსია 25 %-თ შემცირდა. ამის შესახებ ეკონომიკის საკითხებში ექსპერტმა ნოდარ ხადურმა პარლამენტში "ქრისტიან-დემოკრატებთან" გამართულ შეხვედრაზე განაცხადა.
"ახლა 90 ლარით პენსიონერი იმდენ პროდუქტს ყიდულობს, რასაც ერთი წლის წინ 65 ლარად ყიდულობდა", - განმარტა ხადურმა და დასძინა, რომ 20-ლარიანი ვაუჩერის დარიგების ნაცვლად, უმჯობესი იქნებოდა მთავრობას ეს თანხა მეპურეებისთვის მიეცა, რათა ხორბალი მანამ ეყიდათ, სანამ გაძვირდებოდა.
ექსპერტ სანდრო თვალჭრელიძის თქმით, ხორბლის მოწოდებაზე კონტრაქტის გაფორმებისას, ფასი ფიქსირებული იქნებოდა და შესაბამისად, ის არ უნდა გაძვირებულიყო.