ამდენი წელია, მედიცინაში ვარ, არაერთი სტატია წამიკითხავს და არაერთი სტატიის ავტორი ვარ. ჩემს ცხოვრებაში პირველი შემთხვევაა, სადაც ვნახე, რომ სამეცნიერო სტატია იწყება პოლიტიკური მიმოხილვით, ეს ნონსენსია მედიცინაში, – ამის შესახებ პირველი საუნივერსიტეტო კლინიკის დირექტორმა, ლევან რატიანმა „ბიბისის“ მასალასთან დაკავშირებით განაცხადა.
ლევან რატიანის თქმით, ამ მიმოხილვაში დარღვეულია საექიმო საქმიანობის პრინციპები.
"ეს არაა კვლევა, რომელიც ტოქსინ სპეციფიურობას აღწერს, ამას სრული პასუხისმგებლობით ვაცხადებ. როდესაც ლაპარაკობ რაღაც კვლევაზე, განსაკუთრებით ეს ეხება მედიცინას და კვლევა არის პოლიტიზირებული, ეს არ არის მეცნიერებისთვის თავსებადი. როდესაც მეცნიერთა ჯგუფი კვლევას წერს, სამი რაღაც უნდა გაითვალისწიონოს ობიექტურობა, ნეიტრალურობა და კომპეტენტურობა., ამ კვლევაში არცერთი არ იყო. ძალიან გასაკვირია საერთოდ როგორ დაბეჭდა რედაქციამ. კვლევაში მონაწილე არცერთი პერსონა არ იყო დარგის სპეციალისტი, ამიტომ კომპეტენტურ დასკვნას ვერ გამოიტანდნენ...თუ გარკვეულ სივრცეში ეს ნივთიერება გამოიყენებოდა, იძლევა უამრავ გართულებას. ექიმი მორალს ემორჩილება, მარტო კანონს არა. ჩვენ ექიმებს არ გვქონდა მორალური უფლება, თუ ეს ფაქტი ქვეყანაში არსებობდა დაგვემალა. ქვეყანაში აღნიშნული ნივთიერების ზემოქმედების შედეგად არცერთი პაციენტის კლინიკური დიაგნოზი ტოქსიკოლოგების მიერ დასმული არ ყოფილა.
ამ მიმოხილვას, რაც გინდათ ის დაარქვით, მე ვერ დავარქმევ ვერც შრომას, ვერც აღწერას და ასე შემდეგ. საექიმო საქმიანობის ორივე პრინციპი დარღვეულია. ჩემს სახელმწიფოში როცა ეს ხდება, ალბათ ყველა ექიმმა ხმა უნდა ამოიღოს ამის შესახებ“, – განაცხადა ლევან რატიანმა.
