უნგრეთის პრემიერ-მინისტრი ვიქტორ ორბანი მოსკოვში „ევროპული მანდატის გარეშე“ ჩავიდა. ამის შესახებ გერმანიის კანცლერმა ფრიდრიხ მერცმა 28 ნოემბერს, ბერლინში, სლოვენიის პრემიერ-მინისტრ რობერტ გოლობთან ერთად გამართულ პრესკონფერენციაზე განაცხადა.
მან გაიხსენა, რომ 2024 წლის ივლისში რუსეთში ორბანის ვიზიტის შემდეგ უკრაინაში რუსეთის საჰაერო დარტყმები გაძლიერდა.
„ეს ვიზიტი მაშინ არა მხოლოდ წარუმატებელი იყო. რამდენიმე დღის შემდეგ, რუსეთის არმიის მიერ განხორციელდა ყველაზე მასშტაბური თავდასხმები, მათ შორის უკრაინაში სამოქალაქო ინფრასტრუქტურისა და სამოქალაქო ობიექტების წინააღმდეგ. იმედი მაქვს, რომ ამჯერად რუსეთის მხრიდან ასეთი რეაგირება არ იქნება. მაგრამ ის [ორბანი] ევროპული მანდატისა და ჩვენთან კოორდინაციის გარეშე მოქმედებს“, - აღნიშნა მერცმა.
