"თბილისის ექსპერიმენტული სამშობიარო სახლის" ახალი მფლობელი კერძო პირი ლიანა ჯინჭარაძე გახდა.
ეკონომიკისა და მდგრადი განვითარების სამინისტროში დღეს გამართულ აუქციონზე ჯინჭარაძემ აღნიშნული ობიექტი 770 ათას ლარად შეიძინა. სამინისტროში სხვა განაცხადი არ შესულა.
ობიექტის საწესდებო კაპიტალი 495280.00 ლარითაა განსაზღვრული. კლინიკას 16497.00 ლარის დებიტორული და 25448.36 ლარის კრედიტორული დავალიანება აქვს. აუქციონის პირობების თანახმად, კლინიკის ახალი მფლობელი ვალდებულია სამშობიარო სახლს პროფილი 7 წლის განმავლობაში შეუნარჩუნოს.
