საპარლამენტო უმრავლესობა მზადაა სასჯელაღსრულების დაწესებულებში გრძელვადიანი პაემნის საფასურის ზედა ზღვარის დაწესებაზე იმსჯელოს.
ამის შესახებ ადამიანის უფლებათა დაცვის კომიტეტის თავმჯდომარემ ლაშა თორდიამ გრძელვადიანი პაემნების კანონპროექტის განხილვის დროს განაცხადა.
"ჩვენ მზად ვართ კანონპროექტში გრძელვადიანი პაემნების საფასურის ზედა ზღავრის შესახებ მეორე მოსმენის დროს ვიმსჯელოთ", - აღნიშნა თორდიამ და ოპოზიციას მოუწოდა, რომ არარსებულისგან პრობლემებს ნუ შექმინიან.
მისი თქმით, გრძელვადიანი პაემნის შემოღება ასეთ მოკლე ვადაში სამინისტროს მიერ მხოლოდ მისასალმებელია, თუმცა ოპოზიცია ცდილობს, რომ საკითხი უარყოფითად წარმოაჩინოს.
ამასთან, სასჯელაღსრულების, პრობაციისა და იურიდიული დახმარების საკითხთა მინისტრი ხათუნა კალმახელიძე პირობას დებს, რომ ღირებულება პაემნებისა 60 ლარს არ გადააჭარბებს.
შეგახსენებთ, რომ "ქრისტიან-დემოკრატებმა" დღევანდელ პლენარულ სხდომაზე გრძელვადიანი პაემნების საფასურის თავიდან დათვლა და მისი ზედა ზღვარის ასახვა კანონში მოითხოვეს.
