საპარლამენტო უმრავლესობას ოპოზიციის მხრიდან კომუნალური გადასახდელების მაღალ ტარიფებზე საუბარი დემაგოგიად მიაჩნიათ და საზოგადოებას პასუხისმგებლობის ამაღლებისკენ მოუწოდებენ. აღნიშნულის შესახებ საპარლამენტო უმრავლესობის წევრმა გიორგი მელაძემ განაცხადა, რომელიც დღეს, პლენარულ სხდომაზე "ქრისტიან-დემოკრატების" წევრის ლევან ვეფხვაძის გამოსვლას გამოეხმაურა.
მისი თქმით, ლევან ვეფხვაძის განცხადებები ისეთივე გაუგებარია, როგორც "ქრისტიან-დემოკრატების" საარჩევნო პროგრამა იყო, რომლის მიხედვითაც წყალი უფასო უნდა ყოფილიყო.
დარგობრივი ეკონომიკის კომიტეტის თავმჯდომარემ დაინტერესდა ჰქონდათ თუ არა "ქრისტიან-დემოკრატებს" წარმოდგენა წყლის მოსახლეობამდე მიტანას რამხელა მეურნეობა სჭირდება.
"თუ გვსურს ქალაქი იყოს სუფთა და განათებული, თითოეულმა ჩვენგანმა უნდა შევიგნოთ პასუხისმგებლობა, რომელიც ჩვენ ჯიბეზე მოქმედებს, მაგრამ ეს ყველაფერი დანახარჯებთან არის დაკავშირებული და ეს ხარჯი მოსახლეობამ უნდა გაიღოს", - აღნიშნა მელაძემ.
მისივე შეფასებით, უნდა აღინიშნოს იმ შეღავათის შესახებ, რომლის მიხედვითაც სოციალურად დაუცველების გადასახდელებსი ნაწილს, დედაქალაქის მერია დაფარავს.