გზის გადაკეტვის მუხლით დაკავებულ პედაგოგს, მანანა ჯავაშვილს 1-დღიანი ადმინისტრაციული პატიმრობა შეეფარდა. გადაწყვეტილება მოსამართლე კობა ჩაგუნავამ გამოაცხადა.
„უბრალოდ არ ვთვლი თავს დამნაშავედ, მიუხედავად იმისა, რომ ვეთანხმები. ყველაფერი ის, რაც წერია, გაკეთებული მაქვს“, - განაცხადა მანანა ჯავაშვილმა პროცესზე.
ჯავაშვილს შინაგან საქმეთა სამინისტრო 2 ნოემბერს საავტომობილო „გზის ხელოვნურად გადაკეტვას“ ედავებოდა.
შსს-ს წარმომადგენელმა პროცესზე განაცხადა, რომ 1-დღიან პატიმრობას მოითხოვდნენ. ადვოკატმა მოსამართლეს სიტყვიერი შენიშნვნის გამოცხადებისკენ მოუწოდა.
ასევე დაკავებულია მანანა ჯავაშვილის შვილები - გიგა და ლადო წიბახაშვილები, სასამართლოში ადმინისტრაციულ პროცესზე ასევე დაიბარეს მისი და - ეკა ჯავაშვილი.
