თბილისის საქალაქო სასამართლომ გამომცემლობა "ინტელექტის" მთავარი რედაქტორი, ზვიად კვარაცხელია ადმინისტრაციულ სამართალდამრღვევად ცნო.
მოსამართლემ კვარაცხელიას 3 - დღიანი ადმინისტრაციული პატიმრობა შეუფარდა.
„მე ნამდვილად, ვიყავი მათ შორის ვინც რუსთაველზე იყო. ესაა ჩემი კონტიტუციური უფლება. ჩვენ ვიყავით ძალიან ბევრი. პროპაგანდისტულ არხებს უნდა წარმოადგინონ, რომ უკმაყოფილო ხალხი ცოტაა... 330 დღეზე მეტია რაც იკრიბება ხალხი, ყოველ დღე იკეტება რუსთაველი, ყოველ დღე ამდენი ხალხი გამოდის და აფიქსირებს საქართველოს ევროპული კურსიდან გადახვევის და ჭაობში ჩატვების წინააღმდეგ პროტესტს....
რაც შეეხება გზის გადაკეტვას, გზა გადაკეტა ოლიგარქიულმა რეჟიმმა საქართველოსთვის. აი ამისთვის გამოვდივარ მე ყოველდღიურად რუსთაველზე"- უთხრა მოსამართლეს ზვიად კვარაცხელიამ.
შინაგან საქმეთა სამინისტრო კვარაცხელიას "გზის ხელოვნურად გადაკეტვას" ედავებოდა.
