რეალურად, ქვეყანაში არანაირი ოპოზიციური ხმა არ არსებობს. ხმა, რომელიც ისმის და ქმედებები, რომელსაც ვხედავთ, არ არის ოპოზიცია, ესენი არიან ქვეყნის დესტრუქციისთვის მოქმედი ძალები, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.
მისი თქმით, ეს ადამიანები პატივს არ სცემენ საქართველოს მოსახლეობის უმრავლესობის არჩევანს.
„მათთვის ქვეყნის სუვერენიტეტი, კონსტიტუციური წესრიგი არაფერს წარმოადგენს. ეს ადამიანები უხეშად არღვევენ საქართველოს კონსტიტუციას. როგორც სხვა ქვეყანაში აიკრძალებოდნენ, რისი ასობით მაგალითიც არსებობს ევროპის მასშტაბით, ზუსტად იმავე პრინციპით ვიმოქმედებთ. შესრულდება „ქართული ოცნების“ დაპირება – ქვეყანა გათავისუფლდება იმ პოლიტიკოსებისგან, რომლებიც ქვეყნის ჯაყჯაყით არიან დაკავებული და სურვილი აქვთ, ხელისუფლებაში აგენტურა იყოს. მათი დავალება კი ქვეყანას ომში გადაჩეხავს“, – განაცხადა არჩილ გორდულაძემ.
