რუკების და მონაცემთა ბაზების უახლესი სისტემა, რომელიც გეო საინფორმაციო სისტემაში იქნება განთავსებული, შეამცირებს დაზიანებების რიცხვს, ფინანსურ დანახარჯებს, ხელს შეუწყობს მოსახლეობისათვის წყალმომარაგების მიწოდების გაუმჯობესებას, ავარიების დროულად აღმოფხვრას და სამშენებლო-სარეაბილიტაციო სამუშაოების სწორად დაგეგმვას.

აღნიშნული რუკები რეგიონული განვითარებისა და ინფრასტრუქტურის სამინისტროს წყალმომარაგების კომპანიის საკუთრებაში მყოფი ყველა ობიექტის და დანადგარის გრაფიკული ვიზუალიზაციის საშუალებას იძლევა. რუკებზე, რომლებზეც ინფორმაციული უზუსტობა გამორიცხულია, დატანილია წყალმომარაგებისა და წყალარინების მილები, ჭები და წყალმომარაგების სისტემაში არსებული ყველა სხვა მოწყობილობა. აღსანიშნავია, რომ ეს არის პირველი შემთხვევა, როდესაც გეო საინფორმაციო სისტემებში წყალმომარაგების სექტორის შესახებ ასეთი დეტალური ინფორმაციის განთავსება ხდება.

დღეისათვის უკვე დასრულებულია საქართველოს 6 ქალაქის რუკა. ეს ქალაქებია: ანაკლია, Qქუთაისი, მარნეული, მესტია, ფოთი, ზუგდიდი. იგეგმება სპეციალური ვებ-გვერდის შექმნა, რომელზეც საქართველოს ყველა ქალაქის გრაფიკული რუკა იქნება დატანილი და რომელიც მხოლოდ უფლებამოსილი პირებისთვის იქნება ხელმისაწვდომი.
დღეს, საქრთველოს რეგიონული განვითარებისა და ინფრასტრუქტურის სამინისტროში პროექტის პრეზენტაცია გაიმართა.