სახელმწიფო სექტორში ელექტრონული მმართველობის დანერგვა საჯარო სექტორის გამართული მუშაობის ერთ-ერთ უმნიშვნელოვანესი საკითხია, ამის შესახებ საქართველოს მთავრობის 2011-2014 წლების ქვეყნის ძირითადი მონაცემებისა და მიმართულებების დოკუმენტშია ნათქვამი.
მთავრობაში ფიქრობენ, რომ საშუალოვადიან პერიოდში მონაცემთა გაცვლის ერთიანი ინფრასტრუქტურის შექმნა აუცილებელია, რაც მოსახლეობისთვის იაფი, მოხერხებული და სწრაფი ელექტრონული საინფორმაციო მომსახურების მიწოდებას შეუწყობს ხელს.
ამასთან, ინფორმაციული ტექნოლოგიების ფართო გამოყენება მოითხოვს სათანადო ყურადღებას მისი უსაფრთხოების უზრუნველსაყოფად.
რეფორმის წარმატებით განხორციელებისათვის 2011-2014 წლებში მთავრობას დაგეგმილი აქვს: სახელმწიფოში არსებული ელექტრონული ინფორმაციის ერთ ლოგიკურ სისტემაში მოქცევა და ქვეყნის მასშტაბით ერთიანი საინფორმაციო სისტემის შექმნა.
უახლოესი სამი წლის განმავლობაში დაგეგილია ასევე ინფორმაციული უსაფრთხოების პოლიტიკის ჩამოყალიბება და კომპიუტერულ ინციდენტებზე მონიტორინგისა და სწრაფი რეაგირების ეფექტური მექანიზმების შექმნა.