ფინანსისტი და მილიარდერი ჯორჯ სოროსი მიიჩნევს, რომ ხელისუფლებები და საერთაშორისო ორგანიზაციები, ჯერ კიდევ შორს არიან მსოფლიო საფინანსო სისტემაზე კონტროლის აღდგენისგან.
"ფინანსური კრიზისი ჯერ არ დასრულებულა. ჩვენ ახლა ვიწყებთ მეორე ეტაპზე გასვლას, რომელიც ფინანსური დასტაბილურების კორექტირებას და სისტემაზე კონტროლის აღდგენას გულისხმობს", - განაცხადა სოროსმა მიუნხენის უსაფრთხოების კონფერენციაზე გამოსვლისას.
მან ასევე აღნიშნა, რომ პირველ ეტაპზე ხელისუფლებები და საერთაშორისო ორგანიზაციები მნიშვნელოვან ფინანსურ რესურსებს ბანკებში და ბაზრის სხვა ინსტიტუტებში დებდნენ.
სოროსმა განაცხადა, რომ ეს ქვეყნები რომელთაც დაბალანსებული ბიუჯეტი აქვთ აქტიურად ვითარდებიან, ევროპის რიგი ქვეყნების პრობლემას კი დეფიციტური ბიუჯეტი წარმოადგენს.