ეგვიპტეში გამწვავებული კრიზისისა და სუეცის არხის ჩაკეტვის შემთხვევაში ნავთობი შესაძლოა 200 დოლარამდე გაძვირდეს, ამის შესახებ კარაკასში გამართულ ბრიფინგზე, ვენესუელის სათბობ-ენერგეტიკის მინისტრმა რაფაელ რამირესმა განაცხადა.
ჩინოვნიკის მტკიცებით, არხის ჩაკეტვის შემდგომ, სასწრაფოდ "ოპეკის" სამიტის მოწვევა გახდება საჭირო, თუმცა რამირესის განმარტებით ამის საჭიროება დღეისათვის არ არსებობს.
"ამ დროისათვის ბაზარზე ნავთობის საკმაო მარაგები არსებობს და არანაირი გართულებები ამ დროისათვის არ შეინიშნება. თუმცა სუეცის არხის ჩაკეტვამ შესაძლოა ბაზარზე სერიოზული პრობლემები წარმოქმნას", - განაცხადა ვენესუელის მინისტრმა.
აღსანიშნავია, რომ ეგვიპტის არეულობის გამო Bრენტ მარკის ნავთობის ფასი, 2008 წლის შემდეგ პირველად გაიზარდა და მისმა ღირებულებამ დღეისათვის ბარელზე 100 დოლარი შეადგინა.
შეგახსენებთ, რომ "ოპეკის" მორიგი სამიტის მოწვევა 22 თებერვლისთვისაა დაგეგმილი.
