სექტემბერში რუსეთმა უკრაინის წინააღმდეგ თითქმის 6900 დრონი გაუშვა, რომელთაგან 3600-ზე მეტი „შაჰიდი“ იყო, - ამის შესახებ უკრაინის შეიარაღებული ძალების მთავარსარდალმა, ოლექსანდრ სირსკიმ განაცხადა.
„მტერი მუდმივად ცვლის დრონების გამოყენების ტაქტიკას. რუსმა დამპყრობლებმა გააძლიერეს თავდასხმები ფრონტის ხაზსა და სასაზღვრო ტერიტორიებზე. ისინი აქტიურად ესხმიან თავს კრიტიკულ ინფრასტრუქტურულ და სამოქალაქო ობიექტებს.
„მიღებულია რიგი გადაწყვეტილებები ამ ტერიტორიებზე საჰაერო თავდაცვის გასაძლიერებლად, კერძოდ, ჩამჭრელი დრონების ეკიპაჟების რაოდენობის გაზრდით“, - განაცხადა სირსკიმ.
სირსკის თქმით, უკრაინის შეიარაღებული ძალები ზრდიან იმ დანაყოფების შესაძლებლობებს, რომლებიც დრონებს ჩამჭრელების მეშვეობით უპირისპირდებიან.
„დღეს რუსული მოიერიშე დრონების უმეტესობა სწორედ ამ საშუალებებით განადგურებულია. შესაბამისი დანაყოფების სისტემატური გაფართოება გრძელდება. ფართოვდება სპეციალისტების ტრენინგები და მაღალი ხარისხის ტრენინგისთვის დამატებითი სასწავლო შესაძლებლობები იქმნება“, - განაცხადა სირსკიმ.
