საქართველოში დიდი ბრიტანეთის ელჩმა, გარეთ უორდმა საგარეო საქმეთა სამინისტრო დატოვა.
ელჩს მედიასთან კომენტარი არ გაუკეთებია.
დიდი ბრიტანეთის ელჩის დაბარებასთან დაკავშირებით განცხადება ჯერ არ გაუვრცელებია არც საქართველოს საგარეო საქმეთა სამინისტროს.
შეგახსენებთ, რომ საგარეო საქმეთა სამინისტროში გუშინ, 24 სექტემბერს გერმანიის ელჩი, პეტერ ფიშერიც დაიბარეს. როგორც მან აღნიშნა, ეს იყო გერმანიასთან თანამედროვე საქართველოს ურთიერთობის ისტორიაში პირველი შემთხვევა, როცა გერმანელი ელჩი სამინისტროში დაიბარეს.
როგორც მოგვიანებით უწყებამ განაცხადა, პეტერ ფიშერს „ვენის კონვენცია“ შეახსენა და განუმარტა, რომ ელჩი სახელმწიფოს შიდა პოლიტიკაში არ უნდა ჩაერიოს. ქართულმა მხარემ „ვენის კონვენციის“ შეხსენებასთან ერთად, ელჩთან შეშფოთება გამოხატა „რადიკალური დღის წესრიგის წახალისების მცდელობებთან“ დაკავშირებით.
