“ბოლომდე! საქართველოს გადასარჩენად" - ამ სლოგანით თბილისში აქცია იმართება.
უწყვეტი პროტესტის მე-300 დღეს, მოქალაქეები სიმბოლურად 300 არაგველის მემორიალთან შეიკრიბნენ და მარშით პროტესტის მუდმივ ადგილზე, რუსთაველის გამზირისკენ გაემართნენ. ამ დროისათვის აქციის მონაწილეები უკვე პარალმენტთან მივიდნენ. დედაქალაქის მთავარი გამზირი გადაკეტილია.
პარლამენტთან გაიმართება ვიზალიბერალიზაციის შესახებ ფილმის ჩვენება, ასევე ნაჩვენები იქნება აქციების დროს დაკავებული აქტივისტების შესახებ მომზადებული ვიდეო რგოლები.
