საფრანგეთის პრეზიდენტმა, ემანუელ მაკრონმა განაცხადა, რომ საფრანგეთში აშშ-ის ელჩის, ჩარლზ კუშნერის კრიტიკა საფრანგეთის მიმართ მიუღებელია დიპლომატისთვის. მაკრონმა კომენტარი გააკეთა გასულ თვეს კუშნერის განცხადებაზე, რომელმაც მაკრონი ანტისემიტიზმის წინააღმდეგ არასაკმარისი ზომების მიღებაში დაადანაშაულა და ქვეყნის საგარეო პოლიტიკური პოზიციები საფრანგეთში ებრაელების წინააღმდეგ ძალადობის ინციდენტების ზრდას დაუკავშირა.
„ეს არის შეცდომა და მიუღებელი განცხადება ისეთი ადამიანისგან, რომელიც უნდა იყოს დიპლომატი. თუ ხარ დიპლომატი, უნდა დაიცვა დიპლომატიის წესები. გადასახადის გადამხდელების ფული სათანადოდ არ გამოიყენება ამგვარი განცხადებების დასაფინანსებლად. ფრანგ ელჩს ამის გაკეთების უფლება არასდროს ექნება. თუ თქვენ ხართ ადამიანი, რომელსაც თავისუფლად უნდა გამოხატოს აზრი – კეთილი. თუ თქვენ ხართ დიპლომატი, უნდა მიჰყვეთ დიპლომატიის წესებს“, - განაცხადა მაკრონმა ინტერვიუში.
