აშშ-ში ოფიციალური ვიზიტით მყოფი, საქართველოს პრემიერ-მინისტრი "ათასწლეულის გამოწვევის კორპორაციის" ხელმძღვანელს დაიელ იოჰანეს საქართველოსათვის გრანტის გამოყოფის საკითხზე უკვე ესაუბრა.

გილაურის განმარტებით, საქართველო ათასწლეულის გამოწვევის კორპორაციიდან" დაახლოებით 200 მლნ. დოლარამდე ელოდება.
"ჯამური თანხა ჯერჯერობით ცნობილი არ არის, თუმცა სავარაუდოდ ის 150-200 მილიონამდე იქნება. ამ თანხით, ჩვენ ვაპირებთ, რომ ქვეყანაში რამდენიმე პროექტი განვახორციელოთ, მათ შორის უნივერსიტეტის, საქართველოში ამერიკული საავადმყოფოს მშენებლობის, ასევე თანხის ნაწილით მოხდება გოდერძის უღელტეხილის გზის რეაბილიტაცია"- განაცხადა ნიკა გილაურმა.

შეგახსენებთ, რომ 5 იანვარს გამართულ კვარტალურ სხდომაზე აშშ-ის სამთავრობო კორპორაციის - „ათასწლეულის გამოწვევის კორპორაციის" - დირექტორთა საბჭომ შეარჩია განა და საქართველო როგორც ქვეყნები, რომლებსაც მიეცემათ უფლება, მოამზადონ წინადადებები მეორე კომპაქტის დაფინანსების მისაღებად.