8 თებერვალს საქართველოს პარლამენტი ევროკავშირის ქვეყნებთან ერთიანი საჰაერო სივრცის შესახებ ხელშეკრულების რატიფიცირებას მოახდენს.
მთავრობის საპარლამენტო მიდვანმა გია ხუროშვილმა ჟურნალისტებს განუმარტა, აღნიშნული ხელშეკრულება გულისხმობს რომ საქართველოში რეგისტრირებულ ავიაკომპანიას ევროპულ აეროპორტებში გზა ეხსნებათ, თუმცა ამის სანაცვლოდ საქართველომ ორი წლის განმავლობაში კანონმდებლობა შესაბამისობაში უნდა მოიყვანოს ევროპის საავიაციო კანონთან.
"აღნიშნული ხელშეკრულება ხელს შეუწყობს ერთის მხრივ ბაზრის თავისუფლებას და მეორეს მხრივ ქვეყნის ეკონომიკურ განვითარებას" - აღნიშნა ხუროშვილმა.
შეგახსენებთ, რომ საქართველოს და ევროკავშირის ქვეყნებს შორის ერთიანი საჰაერო სივრცის შესახებ ხელშეკრულება გასულ წელს გაფორმდა.