ქართული მწვანილი ახალ საექსპორტო ბაზრებზე გადის. საექსპორტო არეალთან ერთად იზრდება მწვანილის ექსპორტის დინამიკაც. სოფლის სამინისტროს ინფორმაციით, 2010 წელს ქვეყნიდან 18,28 %-ით მეტი მწვანილი გავიდა ვიდრე 2009 წელს.
სოფლის მეურნეობის სამინისტროს სტატისტიკური ინფორმაციით, 2010 წელს საქართველოდან 4 მლნ. 433 ათას 139 კგ. მწვანილის ექსპორტი განხორციელდა, რომლის ღირებულებამ 2 მლნ. 557 ათას 180 დოლარი შეადგინა.
სოფლის მეურნეობის სამინისტროს ინფორმაციით, 2010 წელს ქვეყნიდან ქართული მწვანილის ექსპორტი განხორციელდა უკრაინაში, ბელორუსიაში, ესტონეთში, ლიტვაში, ლატვიაში, ბულგარეთში, მოლდოვაში, ჩეხეთში, ბელორუსიაში, რუმინეთში, აზერბაიჯანსა და პოლონეთში.
2009 წელს საქართველოდან 2 მლნ. 262 ათას 304 დოლარის ღირებულების 3 მლნ. 747 ათას 741 კგ. მწვანილის ექსპორტია განხორციელებული. სტატისტიკური ინფორმაციის თანახმად, 2009 წელს ქართული მწვანილი ესტონეთის, ბელორუსიას, უკრაინის, აზერბაიჯანის, რუსეთის, რუმინეთის, ლატვიის, ესტონეთის, გერმანიისა და მოლდოვის ბაზრებზე გავიდა. სოფლის მეურნეობის სამინისტროში განმარტავენ, რომ 2009 წელს 2008 წელთან შედარებით მწვანილის ექსპორტი 100%-ით გაიზარდა.