გერმანიის კანცლერი ფრიდრიხ მერცი აცხადებს, რომ რუსეთის მიერ პოლონეთისა და რუმინეთის საჰაერო სივრცის დარღვევა პუტინის მხრიდან საბოტაჟის გრძელვადიანი ტენდენციის ნაწილია.
„რუსეთს სურს, მზაკვრულად მოახდინოს ჩვენი თავისუფალი საზოგადოებების დესტაბილიზაცია“, – განაცხადა მერცმა პარლამენტის ქვედა პალატაში სიტყვით გამოსვლისას.
მისი თქმით, სამშვიდობო შეთანხმების მიღწევა კიევის სუვერენიტეტისა და ტერიტორიული მთლიანობის ხარჯზე შეუძლებელია.
"ნაკარნახევი მშვიდობა, მშვიდობა თავისუფლების გარეშე, პუტინს შემდეგი სამიზნის ძიებისკენ უბიძგებს“
შეგახსენებთ, რომ გასულ კვირას პოლონეთის საჰაერო სივრცე დაარღვია 19-მა რუსულმა დრონმა, რომლებიც ქვეყნის ტერიტორაიზე უკრაინიდან და ბელარუსიდან შეფრინდნენ. დრონის შეჭრის ფაქტი დაფიქირდა რუმინეთის საჰაერო სივრცეშიც.
საპასუხოდ, ნატო-ს გენერალურმა მდივანმა მარკ რუტემ განაცხადა, რომ ჩრდილოატლანტიკურმა ალიანსმა გადაწყვიტა დაიწყოს ოპერაცია სახელწოდებით „აღმოსავლეთის მცველი“.
