მე პირადად, თინა ბოკუჩავა, ვიმეორებ, რომ მას შემდეგ, რაც ივანიშვილის რუსული რეჟიმი დაემხობა, ვპირდებით ძალოვანი სტრუქტურის ყველა თანამშრომელს, რომ თქვენ მიიღებთ ჯილდოს 200 ათასი დოლარის ოდენობით, - ამის შესახებ „ნაციონალური „ თავმჯდომარემ, თინა ბოკუჩავამ სუს-თან გაკეთებული საგანგებო განცხადების დროს.
„დღეს აქ, ერთიანი ნაციონალური მოძრაობის სახელით, მე პირადად, თინა ბოკუჩავა, ვიმეორებ, რომ მას შემდეგ, რაც ივანიშვილის რუსული რეჟიმი დაემხობა, ის პოლიტიკური ძალა, რომელმაც 7-ჯერ გაზარდა პენსიები, გააოთხმაგა საქართველოს ბიუჯეტი და უამრავი სხვა სიკეთე მოუტანა საქართველოს, დიახ, კვლავ პირდება, გდდ-ის ყველა თანამშრომელს და ძალოვანი სტრუქტურის ყველა თანამშრომელს, რომ დიახ, თქვენ მიიღებთ ჯილდოს 200 ათასი დოლარის ოდენობით.
[მამუკა მდინარაძის] სიმხდალის, შიშის გამოვლინებაა დღეს ერთიანი ნაციონალური მოძრაობის, ივანიშვილის მთავარი პოლიტიკური მტრის და მეტოქის პოლიტიკური საბჭოს თავმჯდომარის დაკავება. ამიტომ, კიდევ ერთხელ ვიმეორებთ, რომ აბსოლუტურად იდენტურ შეთავაზებას ვაკეთებთ ჩვენ, თითოეული ჩვენგანი და პირადად მე, თინა ბოკუჩავა, იმისთვის, რომ ვამხილოთ რამდენად აბსურდულია ეს ბრალი", - თქვა ბოკუჩავამ.
