არ არსებობს საქართველოს უსაფრთხოება ამერიკის შეერთებულ შტატებთან პარტნიორობის გარეშე, - ამის შესახებ ჰელსინკის კომისიაში მოსმენაზე სახელწოდებით: „პარტნიორიდან პრობლემამდე: საქართველოს ანტიამერიკული გადახვევა“ საქართველოს ყოფილმა თავდაცვის მინისტრმა თინა ხიდაშელმა განაცხადა.
"დღეს ჩემს მიერ მოყვანილი კონკრეტული მტკიცებულებები მხოლოდ საქართველოს მთავრობის აშშ-ის სტრატეგიული პარტნიორობიდან გადახვევას არ ეხება, არამედ უპირველესად და უმთავრესად საუბრობს მათ გადახვევას ქართველი ხალხის ნებისა და სტრატეგიული ინტერესისგან. ეს არის გადახვევა იმ კურსიდან, რომლის გამოც ქართველმა გმირმა გიორგი ანწუხელიძემ სიცოცხლე გასწირა, როცა რუსები აწამებდნენ 2008-ში, ეს არის კურსი, რომლის გამოც ჟურნალისტმა მზია ამაღლობელმა საკუთარი თავისუფლება გასწირა, რამდენიმე თვის წინ, როცა ის იცავდა გიორგი ანწუხელიძის კურსს საქართველოს ანტიდასავლური და პრორუსული მთავრობისგან. მე აქ ვსაუბრობ, როგორც ყოფილი თავდაცვის მინისტრი ქვეყნის, რომელიც ამერიკული არმიის მხარდამხარ იბრძოდა ერაყსა და ავღანეთში.
არ არსებობს საქართველოს უსაფრთხოება ამერიკის შეერთებულ შტატებთან პარტნიორობის გარეშე, ეს არასდროს ყოფილა და არც არსებობს რაიმე შესაძლებლობა, რომ ოდესმე იყოს. ამერიკის შეერთებული შტატების დახმარებისა და ერთგულების გარეშე საქართველოს სახელმწიფოებრიობა არ იქნებოდა დაცული და ვერც გადარჩებოდა. 2008 წელს ამერიკის ჩართულობამ შეაჩერა პუტინი საქართველოში აგვისტოს ომის დროს..." - განაცხადა ხიდაშელმა.
