რუსეთის კიდევ ერთი თავდასხმა უდანაშაულო მშვიდობიან მოსახლეობაზე, - ასე ეხმაურება საქართველოს მეხუთე პრეზიდენტი, სალომე ზურაბიშვილი რუსეთის მიერ დონეცკის ოლქში პენსიის მისაღებად რიგში მყოფ ადამიანებზე განხორციელებულ დარტყმას, რომელსაც 21 ადამიანი ემსხვერპლა.
„კიდევ ერთი შეხსენება იმისა, რომ მოსკოვის ომი ტერორზეა დამყარებული და არა ძალაზე. კაცობრიობის წინააღმდეგ განხორციელებული ყოველი დარტყმა მშვიდობის წინააღმდეგ დარტყმას წარმოადგენს“, - წერს სალომე ზურაბიშვილი X-ზე.
შეგახსენებთ, დღეს რუსულმა ძალებმა დონეცკის ოლქის სოფელ იაროვოში საავიაციო ბომბი ჩამოაგდეს.
