"ქართული აკადემიის" წევრის ნუკრი ქანთარიას თქმით, ეროვნული კონცეფცია და იდეოლოგია, რომელიც მოძრაობა '"დაიცავი საქართველომ" ახალ პროექტში წარადგინა, აქტუალურია, რადგან სამყაროში დღეს შინაგანი წესრიგი გაფანტულია.
"ეს გახლავთ იდეოლოგია, თუ როგორ სახელმწიფოში უნდა ვიცხოვროთ მომავალში. პროექტი ჯერ დასრულებული არ არის, თუმცა მისი მომზადების შემდეგ პოლიტიკურმა პარტიებმა იგი საკუთარ ენაზე უნდა "გადათარგმნონ". საქართველო დღეს უაღრესად გაჭირვებულ მდგომარეობაშია. მიუხედავად ამისა, ინტელექტუალურმა წრეებმა მაღალ მატერიებზე საუბარი უნდა სცადონ,"_აღნიშნა ნუკრი ქანთარიამ "ჯი-ეიჩ-ენთან" კომენტირებისას.
ქანთარია მიიჩნევს, რომ მომავალმა ხელისუფლებამ აღნიშნული პროექტი ხელისუფლებაში მოსვლისთანავე უნდა განახორციელოს.
"აქ არაა საუბარი ქვეყნის საპრეზიდენტო, საპარლამენტო მოდელზე, არამედ ესაა საზოგადოების შინაგანი მოდელი. მარტივად რომ ვთქვათ, ამ იდეოლოგიის ამოსავალია პრინციპი "ნუ დაკარგავ ძველსა გზასა,"_განმარტა ნუკრი ქანთარიამ.
შეგახსენებთ, დღეს "დაიცავი საქართველოს" თავმჯდომარე დავით მაღრაძე და საინიციატივო ჯგუფის წარმომადგენლები "ქართული აკადემიის" წევრებს შეხვდნენ და ახალი ნაციონალური პროექტი_"ახალი ქართული კონსერვატიზმი" გააცნეს.
