გირავნობის უფლებებთან დაკავშირებით საქართველოს სამოქალაქო კოდექსში ცვლილებები შედის.
კანონპროექტის თანახმად, გირავნობის უფლება შეიძლება გავრცელდეს, როგორც ცალკეულ ნივთზე ან მის ნაწილზე, ნივთთა ერთობლიობაზე ან მათ ნაწილზე ან/და არამატერიალურ ქონებრივ სიკეთეზე, ასევე მთელ მოძრავ ქონებაზე.
ამასთან, გირავნობის უფლება გავრცელდება გირავნობის საგნად მიღებულ ნაყოფზეც, თუ მისი მიღებაც ხდება 281-მუხლის პირველი ნაწილის შესაბამისად გირავნობის საგნის მოგირავნისთვის გადაცემის შემდეგ ან თუ ეს გათვალისწინებულია კანონით ან მხარეთა შეთანხმებით.
პროექტის თანახმად, თუ გირავნობის საგანს მთელი მოძრავი ქონება წარმოადგენს გირავნობის საგნის აღწერა არ მოითხოვება, გარდა იმ შემთხვევისა, როცა მხარეები საწინააღმდეგოზე თანხმდებიან.
აღნიშნული კანონპროექტი საქართველოს პრემიერ-მინისტრის მთავარმა მრჩეველმა ვახტანგ ლეჟავამ დღეს დარგობრივი ეკონომიკისა და ეკონომიკური პოლიტიკის საპარლამენტო კომიტეტის სხდომაზე წარმოადგინა.