საქართველო აზერბაიჯანში დაგეგმილ საერთაშორისო ტურისტულ გამოფენაში "ტურიზმი და მოგზაურობა AITF 2011"-ში მიიღებს მონაწილეობას. აზერბაიჯანული მედიის ინფორმაციით, გამოფენა აზერბაიჯანის დედაქალაქში 28-30 აპრილს ჩატარდება და მისი ოფიციალური პარტნიორი უკვე მეორედ თურქეთი იქნება.
გამოფენაში მონაწილეობას მიიღებს 200-მდე ტურისტული კომპანია მსოფლიოს სხვადასხვა ქვეყნიდან. "ტურიზმი და მოგზაურობა AITF 2011"-ზე საქართველო ეროვნული სტენდით იქნება წარმოდგენილი.
