ახალი საგადასახადო კანონმდებლობის ამოქმედების შემდეგ მთავრობა ქვეყანაში საინვესტიციო გარემოს გაუმჯობესებას ელოდება. საქართველოს მთავრობის 2011-2014 წლების ქვეყნისQძირითადი მონაცემებისა და მიმართულებების დოკუმენტის საბოლოო ვარიანტი ნათქვამია, რომ საშუალოვადიან პერიოდში დაგეგმილია ძლიერი და ეფექტური საბაჟო-საგადასახადო სისტემის ჩამოყალიბება და საგადასახადო საჩივრების რაოდენობის შემცირება. მთავრობაში ფიქრობენ, რომ 3 წელიწადში საგადასახადო შემოსავლების ადმინისტრირების მაქსიმალურად გაუმჯობესება.
2011-2014 წლების ქვეყნისQძირითადი მონაცემებისა და მიმართულებების დოკუმენტის წერია, რომ ბოლო წლების განმავლობაში საგადასახადო და საბაჟო კანონმდებლობა გამარტივდა, შემცირდა გადასახადების განაკვეთები, რამაც მნიშვნელოვნად შეუწყო ხელი ქვეყანაში ინვესტიციების შემოდინებას და ქვეყნის ეკონომიკურ განვითარებას, რის შედეგადაც ყოველწლიურად იზრდებოდა საგადასახადო შემოსავლების მოცულობა, თუმცა მომავალშიც აუცილებელია საკანონმდებლო ბაზის სრულყოფა, საგადასახადო და საბაჟო ორგანოების მუშაობის ეფექტურობის ზრდა და საგადასახადო პოლიტიკაში დაგეგმილი რეფორმების შესახებ საზოგადოების და გადამხდელთა სისტემატური ინფორმირება.
საშუალოვადიან პერიოდში პრიორიტეტის ფარგლებში დაგეგმილია შემდეგი ღონისძიებების განხორციელება: გადამხდელთა ელექტრონული მომსახურების სისტემის შემდგომი განვითარება; საგადასახადო და საბაჟო პუნქტების მშენებლობა-რეაბილიტაცია; საგადასახადო-საბაჟო პროცედურების დახვეწა, საერთო სტანდარტების დანერგვა; გადამხდელთა მომსახურების გამარტივება და მათი ინფორმირებულობის და საჯაროობის ამაღლება; საგადასახადო დავების განხილვის სისტემის გაუმჯობესება; საგადასახადო-საბაჟო საკანონმდებლო ბაზის გაუმჯობესება; ორმაგი დაბეგვრის თავიდან აცილების მიზნით სხვადასხვა ქვეყნებთან შესაბამისი შეთანხმებების გაფორმება;