აშშ-ის სპეციალური წარმომადგენელი უკრაინის საკითხებში, კიტ კელოგი, აშშ-ის დელეგაციასთან ერთად ალასკაში, სადაც დონალდ ტრამპსა და რუსეთის ლიდერ ვლადიმირ პუტინს შორის სამიტია დაგეგმილი, რუსეთის პოზიციის გამო არ გაემგზავრა. ამის შესახებ CNN წყაროზე დაყრდნობით იუწყება.
წყაროს ცნობით, რუსული მხარე კელოგს უკრაინის მხარდამჭერად აღიქვამს, რამაც შესაძლოა მისი შეხვედრაზე ყოფნა „კონტრპროდუქტიული“ გახადოს.
ტრამპის ადმინისტრაციის ორი მაღალჩინოსნის თქმით, კელოგმა უკრაინელებისგაბ შეგროვებული ყველა ინფორმაცია ტრამპს და სახელმწიფო მდივანს, მარკო რუბიოს გაუზიარა, ამიტომ მისი არყოფნა დიდ პრობლემას არ წარმოადგენს.
ერთ-ერთმა პირმა ასევე აღნიშნა, რომ რუბიო რუსეთის მიმართ რბილი დამოკიდებულებით არ გამოირჩევა, იმის გათვალისწინებით, რომ მან ადრე გააკეთა განცხადებები, რომელშიც პუტინს ომის დამნაშავედ უწიდებდა.
ამავდროულად, ევროპელები შეშფოთებულნი არიან იმით, რომ კელოგი დელეგაციის წევრი არ არის.
„მას იმედი ჰქონდა, რომ იქ იქნებოდა და იქ უნდა იყოს“, - თქვა ერთ-ერთმა ევროპელმა ჩინოვნიკმა და დასძინა, რომ მისი ღრმა ცოდნის ნაკლებობა შეხვედრისთვის დანაკარგია.
მისი აზრით, კელოგი ყველაზე უკეთ ხვდება, თუ რა შეუძლია უკრაინას შეთანხმების ფარგლებში.
წყაროების ცნობით, კელოგი, სავარაუდოდ, იმ დელეგაციაში შევა, რომელიც შეერთებულ შტატებს, რუსეთსა და უკრაინას შორის მომავალ. პოტენციურ შეხვედრებზე გაემგზავრება.
