აშშ-ის პრეზიდენტმა დონალდ ტრამპმა განაცხადა, რომ რუსეთის ლიდერ ვლადიმირ პუტინთან შეხვედრა 2025 წლის 15 აგვისტოს, ამერიკის ალასკის შტატში გაიმართება. ამის შესახებ ტრამპი სოციალურ ქსელ Truth Social-ში წერს.
„შეხვედრა, რომელსაც დიდი ხანია ველოდით, ჩემს, როგორც ამერიკის შეერთებული შტატების პრეზიდენტისა და რუსეთის ლიდერს, ვლადიმირ პუტინს შორის, გაიმართება მომავალ პარასკევს, 2025 წლის 15 აგვისტოს, ალასკის დიდებულ შტატში. დამატებითი დეტალები მოგვიანებით გახდება ცნობილი,“ - წერს ტრამპი.
მანამდე, შეხვედრის მომზადების ფაქტი რუსულ მედიასთან კომენტარში რუსეთის ფედერაციის პრეზიდენტის თანაშემწემ იური უშაკოვმა დაადასტურა.
„რუსეთი და აშშ ახლო მეზობლები არიან, ამიტომ საკმაოდ ლოგიკურია, რომ პუტინსა და ტრამპს შორის შეხვედრა ალასკაში გაიმართება“, - განაცხადა უშაკოვმა.
