მთავრობა აპრილ-მაისიდან სასურსათო პროდუქციაზე ფასების კლებას ელოდება. სოფლის მეურნეობის მინისტრ ბაკურ კვეზერელის განმარტებით, საქართველოში აპრილ-მაისიდან ფასების შემსუბუქებას უნდა ველოდოთ.
"მსოფლიო ბაზარზე ეს პანიკურად შექმნილი შიში და ხელოვნურად გაზრდილი ფასებია და ამიტომაც ხელოვნური ფასები დაბლა დაიწევს.
ქვეყანაში არის მარაგი ყველა პირველადი დასახელების პროდუქტის და, რა თქმა უნდა, ყველა დანარჩენ პროდუქციასაც იმავე ყურადღებით ვეკიდებით", - განაცხადა კვეზერელმა პრეზიდენტის ეკონომიკური ბლოკის მინისტრებთან შეხვედრისას.
აღსანიშნავია, რომ ამავე შეხვედრაზე მიხეილ სააკაშვილმა მთავრობის ეკონომიკურ გუნდს ამ მიმართულებით "მაქსიმალურად" მეტი მოქმედებისკენ მოუწოდა.