შაქრის საერთაშორისო ფასმა ნიუ-იორკის სავაჭრო ბირჟაზე ბოლო 30 წლის განმავლობაში რეკორდულ მაჩვენებელს მიაღწია. ამის შესახებ ინფორმაციას სააგენტო "ბლუმბერგი" ავრცელებს.
სააგენტოს ინფორმაციით, პროდუქტზე ფასის ზრდა გამოწვეულია ავსტრალიაში მომხდარი კატაკლიზმების გამო ინვესტორთა შეშფოთებით, რადგანაც ამ ქვეყანას შაქრის ლერწმის ექსპორტირებაში მსოფლიოში მესამე ადგილი უკავია.
ამრიგად, შაქრის ნედლეულის ფასი ნიუ-იორკის ბირჟაზე 2,4%-ით გაიზარდა და მისმა ღირებულებამ ერთ ფუნტზე 34.27 ცენტი შეადგინა, ხოლო ლონდონში შაქრის ღირებულება 1,9%-ითაა გაზრდილი და ერთი ტონა 834,70 დოლარი გახდა.
როგორც ცნობილია, ავსტრალიას ციკლონმა "იასმა" გადაუარა, რამაც შაქრის ლერწმის მოსავალი განადგურა.