უნგრეთის დედაქალაქ ბუდაპეშტში დააკავეს 38 წლის ქართველი კაცი, რომელიც პოლიციის მანქანის მოპარვას ცდილობდა.
უნგრული მედიის ინფორმაცით, პოლიციელმა მანქანიდან გადმოსვლის შემდეგ, შენიშნა, რომ კარების დაკეტვას ვერ ახერხებდა. შემდეგ კი იქვე ახლოს, ბუჩებში კაცი შეამჩნია, რომელიც სიგნალის ჩამხშობს იყენებდა, რაც ხელს უშლიდა მანქანის კარის ჩაკეტვას.
პოლიციელმა დახმარება გამოიძახა. კაცმა კი გაქცევა სცადა, თუმცა მალევე დააკავეს.
როგორც იუწყებიან, დაკავებულს ჩანთაში აღმოაჩნდა დიდი რაოდენობით ნაღდი ფული და სიგნალის ჩამხშობი მოწყობილობა.
დაკავებული ბრალდებას უარყოფს.
