კიდევ ერთხელ დაფიქრდი, მოსამართლევ! დღეს უთვალავი თვალია შენკენ მოპყრობილი! იქნებ მოხდეს სასწაული და შენში გაიმარჯვოს თანაგრძნობისა და სამართლიანობის განცდამ, რომელიც ასე ბუნებრივია ადამიანისათვის, - ასე მიმართავს კინორეჟისორი, ლანა ღოღობერიძე „ბათუმელების“ დამფუძნებლის, მზია ამაღლობელის საქმის მოსამართლე, ნინო სახელაშვილს.
„მზია მთელი ცხოვრება თავისუფლებისათვის მებრძოლი, თანმიმდევრული და დაუდეგარი. ის ერთი პატარა ჟესტიც ხომ ამ თვისებების გამოვლინება იყო და კიდევ, პასუხი კაცის მიერ ქალისთვის მიყენებულ შეურაცხყოფაზე - ღირსეული ქალის პასუხი. ჩემთვის ის სწორედ ამ პიროვნული, ქალური ღირსების სიმბოლოა. მისი განაჩენი, რეჟიმის განაჩენი იქნება. ეს ყველაფერი ასეა, მაგრამ კონკრეტულად... როდესაც ვფიქრობ, რომ ამ სუსტი ჯანმრთელობის ქალმა, ვისაც დღეს თვალების, ანუ მხედველობის პრობლემები აქვს, შეიძლება წლები გაატაროს ციხეში, სული ყელში მებჯინება! კიდევ ერთხელ დაფიქრდი, მოსამართლევ! დღეს უთვალავი თვალია შენკენ მოპყრობილი! იქნებ მოხდეს სასწაული და შენში გაიმარჯვოს თანაგრძნობისა და სამართლიანობის განცდამ, რომელიც ასე ბუნებრივია ადამიანისათვის!“ -წერს ლანა ღოღობერიძე სოციალურ ქსელში.
