სახელმწიფო სამედიცინო დაზღვევის პროგრამებში 4-წლიანი მონაწილეობის შედეგად "ჯიპიაი ჰოლდინგმა" 6,8%-იანი წმინდა მოგება მიიღო. ამის შესახებ კომპანიის გენერალურმა დირექტორმა გიორგი კვირიკაძემ დღეს გამართულ პრეკონფერენციაზე განაცხადა, სადაც მან კომპანიის ბოლო 4 წლის შედეგებს შეაჯამა და 2007 - 2010 წლების სახელმწიფო სადაზღვევო პროგრამებს მიმოიხილა.
კვირიკაძის თქმით, სახელმწიფო სადაზღვევო პროგრამების ფარგლებში კომპანიას 2007-2010 წლებში 170 ათასი დაზღვეული ჰყავდა და მათი საშუალო ყოველთვიური პრემია 11 ლარს შეადგენდა.
მისივე ინფორმაციით, დაზღვეულთა სრული რაოდენობიდან დაზღვევით 81 698-მა ბენეფიციარმა ისარგებლა.
"აზაღაურდა 208 184 შემთხვევა (აქედან 13 047 გეგმიური ოპერაციაა, 22 970 - გადაუდებელი მკურნალობა, 4 919 - მშობიარობა, 10 627 - ქიმიოთერაპია, 10 627 - ამბულატორიული მკურნალობა, 21 129 - ამბულატორიული საჭიროების მედიკამენტები) და მთლიანმა ზარალმა ამ პერიოდისთვის 49,821 მლნ ლარს გადააჭარბა," - განმარტა კვირიკაძემ და აღნიშნა, რომ ჯანდაცვის სამინისტროს სოციალური პროგრამების სააგენტოს ყოველთვიურად მიეწოდება ინფორმაცია თუ ვინ როდის მიმართა კომპანიას , როდის გაეწია მომსახურება და ა.შ
კვირიკაძე განმარტავს, რომ ბენეფიციარზე გაცემული სადაზღვევო ანაზღაურებაზე გაცმული 49,821 მლნ ლარიდან, კომპანიამ 4,433 მლნ ლარი აკვიზიციურ ხარჯებზე (პოლისების დარიგება, პოტენციური ბენეფიციარების იმფორმირება, კარდაკარ კამპანია) გაიღო, 15,969 მლნ ლარი ადმინისტრაციული და აკვიზიციური (ფილიალების გახსნა, სამედიცინო ინფრასტრუქტურის ხარჯი) ხარჯებია.
მოგების გადასახადის სახით კი კომპანიამ 1,348 მლნ ლარი გაიღო და კომპანიის წმინდა მოგებამ 5,545 მლნ ლარი შეადგინა.
კვირიკაძე განმარტავს, რომ ბენეფიციართა მომსახურების ინფრასტრუქტურის აწყობის მიზნით, ქვეყნის მასშტაბით 2007-2008 წლებში გაიხსნა 10 ფილიალი, დასაქმდა 400 თანამშრომელი, ბენეფიციარებს მომსახურებას უწევდა 950 დაკონტრაქტებული ექიმი, თუმცა პოლისების დარიგების პროცესში დასაქმებულთა რაოდენობამ 2000-ს მიაღწია