ბათუმში დავით აღმაშენებლის ქუჩაზე ახალი საცხოვრებელი კომპლექსის მშენებლობა იწყება. "Kona Georgia" -ის მენეჯმენტის განმარტებით, კომპლექსის მშენებლობა თვის ბოლომდე დაიწყება და პროექტის განხორციელებისათვის 8 მლნ. დოლარი დაიხარჯება.
"KONA Georgia - Rezidans" საცხოვრებელი კომპლექსის მშენებლობას 2012 წლის ბოლომდე დასრულებს და ის 24 სართულიანი იქნება.
აჭარის ფინანსთა და ეკონომიკის სამინისტროს ინფორმაციით, თანამედროვე დიზაინის განსხვავებული შენობა ბათუმს ახალ იერსახეს შემატებს. სამინისტროში აცხადებენ, რომ საცხოვრებელ კომპლექსში ბინების 15% ბათუმის მერიას უსასყიდლოდ გადაეცემა, ხოლო დასაქმებულთა 90 % საქართველოს მოქალაქეები იქნებიან.
