აჭარის მთავრობის ახალი სახლის რეკონსტრუქციისათვის 4,5 მლნ. ლარი დაიხარჯება. აღნიშნული თანხა აჭარის რესპუბლიკური ბიუჯეტიდან გამოიყოფა. რეგიონის მთავრობა "ბათუმის №1 საავადმყოფოს" შენობაში დაიდებს ბინას, თუმცა მანამდე შენობის რეკონსტრუქციისათვის ტენდერი გამოცხადდება. "ბათუმის №1 საავადმყოფოს" შენობა უფუნქციოდ მას შემდეგ დარჩა, რაც აჭარის მთავრობამ მისი "ბათუმის რესპუბლიკური კლინიკური საავადმყოფოსთან" გაერთიანება გადაწყვიტა.
აჭარის მთავრობის სახლი გამონთავისუფლდების შემდეგ კი აჭარის ფინანსთა და ეკონომიკის სამინისტრო მის რეალიზაციას შეეცდება, ისევე როგორც აჭარის უმაღლესი საბჭოს შენობის., რომელიც ჩაქვის ყოფილი საავადმყოფოს შენობაში გადადის.
შეგახსენებთ, რომ 2010 წლის ბიუჯეტში უმაღლესი საბჭოს შენობის საპროექტო და სარემონტო სამუშაოებისთვის ბიუჯეტში 638 ათასი ლარია გათვალისწინებული.
2011 წლის ბიუჯეტიდან კი უმაღლესი საბჭოს ახალი შენობის რეკონსტრუქციისათვის 1 მლნ. 50 ათასი ლარი დახარჯება.
