ფინანსთა სამინისტროს მოსახურების სააგენტო „ISUZU"-ს ფირმის სპეც სარეკლამო ავტომანქანას ყიდის. აღნიშნული ავტომანქანის გასასხვისებლად სააგენტოს ფიზიკურმა პირმა მიმართა.
სარეკლამო ავტომანქანის საწყისი ღირეულება 45000 ლარია და მის გასხვისებას საგენტო 5 თებერვლისათვის ჩანიშნულ ინტერნეტ აუქციონზე გეგმავს.
შეგახსენებთ, რომ ფინანსთა სამინისტროს მომსახურების სააგენტომ კერძო პირებისა და კომპანიების ქონების რეალიზაციას დაიწყო.
პირებს, რომლებსაც სურთ საკუთარი ქონება გაასხვისონ, მათ მომსახურების სააგენტო შესაძლებლობას აძლევს სააგენტოს ვებ-გვერდი www.eauction.ge გამოიყენონ, რომლის საშუალებითაც საკუთარი ქონების რეალიზაცია ინტერნეტაუქციონისა და ინტერნეტმაღაზიის საშუალებით მოახდინონ.
ფინასთა სამინისტროს მომსახურეობის სააგენტოს მარკეტინგისა და ინოვაციების სამსახურის უფროსის, ეკა ჟვანიას განმარტებით, მომსახურების სააგენტოს ვებგვერდზე ინფორმაციის განთავსების ღირებულება 1-ელ მარტამდე, სიმბოლურად ერთ ლარს შეადგენს.
დაინტერესებულმა პირებმა გასაყიდი ქონების შესახებ ინფორმაცია მომსახურების სააგენტოს ოფისში (გულუას ქ. #4) უნდა წარადგინონ და შემდგომ თავად სააგენტო უზრუნველყოფს ინფორმაციის საიტზე განთავსებას.
მისივე განმარტებით, სააგენტოს პროგრამისტები უკვე მუშაობენ სპეციალური პროგრამის დაწერაზე, რომელის მიხედვითაც უახლოეს ხანებში კერძო პირს ან სუბიექტს საკუთარი ე.წ. ინტერფეისი ექნება და გასაყიდი ქონების შესახებ ინფორმაციას ვებ-გვერდზე თავადვე განათავსებს.
მომსახურეობის სააგენტოს მოთხოვნის თანახმად, ინფორმაციის განთავსებიდან ერთი თვის ვადაში ინტერნეტაუქციონი უნდა დაინიშნოს. გასაყიდი ქონების ფასს თავად მფლობელი ადგენს და არა ექსპერტიზის ეროვნული ბიურო, როგორც ეს სახელმწიფო ქონების შეფასებისას ხდება.