"ლიბერთი ბანკის" ანაბრების - "მ7"-ისა და "პატრიოტის" მოცულობა მნიშვნელოვნად გაიზარდა. "მ7" ანაბრების მოცულობამ 2011 წლის იანვარში 11 მილიონ ლარს გადააჭარბა, "პატრიოტის" მოცულობამ კი - 1.5 მილიონ ლარს.
"მ7" ანაბარი "ლიბერთი ბანკმა" ქართულ საბანკო ბაზარზე 2010 წლის თებერვალში წარადგინა. "მ7" ანაბრის საპროცენტო განაკვეთი ყოველთვიურად განისაზღვრება საქართველოს 7 მსხვილ და წარმატებულ ბანკს შორის 12-თვიან ანაბარზე დაფიქსირებულ მაქსიმალურ განაკვეთს +0.01%-ით. 2011 წლის იანვრისთვის მ7 ანაბარზე 1,900-ზე მეტ ფიზიკურ პირს 11 მილიონ ლარზე მეტი ოდენობის თანხები აქვს განთავსებული, აქედან ლარში გახსნილი დეპოზიტების მოცულობა 2 მილიონ ლარს აჭარბებს.
2010 წლის ნოემბერში "ლიბერთი ბანკმა" კიდევ ერთი ახალი საანაბრე პროდუქტი პატრიოტი გაუშვა, რომლის მოცულობამაც ორ თვეში (2010 წლის ნოემბრიდან 2011 წლის იანვრისთვის) 1.5 მილიონ ლარს გადააჭარბა და მასზე თანხები 1,000-ზე მეტ ფიზიკურ პირს აქვს განთავსებული. "პატრიოტი" არის მოთხოვნამდე ანაბარი ლარში, რომელიც მომხმარებელს ყველაზე მაღალ სარგებელს, წლიურ 10%-ს სთავაზობს. "პატრიოტზე" სარგებლის დარიცხვა ხდება არა მხოლოდ კლიენტის მიერ განთავსებულ თანხაზე, არამედ მასზე დარიცხულ პროცენტებზეც.
"ლიბერთი ბანკის" ორი ძირითადი საანაბრე პროდუქტის - "მ7"- ისა და "პატრიოტის" მოცულობები 2011 წლის იანვარშიც სწრაფად იზრდებოდა.