2010 წლის განმავლობაში კომერციული ბანკების მთლიანი წმინდა აქტივები (მიმდინარე ფასებში) 2271.7 მლნ ლარით (27.4 პროცენტით) გაიზარდა და მიმდინარე წლის დასაწყისისათვის 10564.2 მლნ ლარი შეადგინა. სავალუტო აქტივების წილი ბანკების მთლიან წმინდა აქტივებში წლის განმავლობაში 63.7 პროცენტიდან 62.1 პროცენტამდე შემცირდა, ხოლო უცხოური ვალუტით საბანკო ვალდებულებების წილი მთლიან ვალდებულებებში - 78.0 პროცენტიდან 73.6 პროცენტამდე.
უცხოური კაპიტალის მონაწილეობამ ბანკების მთლიან განაღდებულ საწესდებო კაპიტალში 80.7 პროცენტი შეადგინა.
2010 წელს საბანკო სექტორმა მოგებით დაასრულა და წმინდა მოგებამ მთლიანობაში 156.3 მლნ ლარი შეადგინა.
გასულ წელს საბანკო სექტორის აქტივების კონცენტრაციის დონე არ შეცვლილა. 5 უმსხვილესი აქტივების მქონე ბანკის წილი საბანკო სექტორის მთლიან აქტივებში 80.1 პროცენტის დონეზე დარჩა.
საბანკო სექტორის აქტივების რენტაბელობა 2010 წლის შედეგებით 1.7 პროცენტს შეადგენს, ხოლო კაპიტალის რენტაბელობა - 9.6 პროცენტს (ნაცვლად -0.8 და -4.3 პროცენტისა, შესაბამისად, 2009 წელთან შედარებით).