1-ლი თებერვლიდან, საქართველოს ტერიტორიაზე საბაჟოზე ახალი რეგულაცია ამოქმედდება.
ფინანსთა მინისტრის მოადგილის რუსუდან კემულარია განმარტებით, ახალი რეგულაციის თანახმად, სახმელეთო საბაჟოებიდან ეკონომიკური საქმიანობისა და ვაჭრობისთვის გამიზნული საქონლის ხელით შემოტანა იკრძალება.
ასევე იკრძალება ვაჭრობისთვისა და ეკონომიკური სამიქნობისთვის სამგზავრო ავტოსატრანსპორტო საშუალებით საქონლის შემოტანა.
ფინანსთა სამინისტროში განმარტავენ, რომ საბაჟო წესების დარღვევით ბაზარზე შემოტანილი პროდუქცია სერიოზულ ზიანს აყენებს ქვეყანაში ჯანსაღი, კონკურენტული ბიზნეს-გარემოს ჩამოყალიბებას, რაც სამინისტროს მხრიდან კატეგორიულ და მკაცრ შეფასებებს მოითხოვს.
რუსუდან კემულარიას ინფორმაციით, აღნიშნულ რეგულაციას ფინანსთა სამინისტრო ახალი ანტიკონტრაბანდული აქციის ფარგლებში მართავს.
