საფრანგეთის საგარეო საქმეთა მინისტრი ჟან-ნოელ ბარო გამოემაურა კიევზე რუსეთის იერიშს, რომელსაც 14 ადამიანი ემსხვერპლა, 100-ზე მეტი კი დაშავდა.
ჟან-ნოელ ბარომ სოციალურ ქსელ X-ში დაწერა, რომ კიევზე თავდასხმა, ვლადიმირ პუტინის რეჟიმის სისასტიკის კიდევ ერთი გამოვლინებაა.
„საზარელი თავდასხმა უკრაინაზე ვლადიმერ პუტინის რეჟიმის მიერ, რომლის სისასტიკესა და ცინიზმს საზღვარი არ აქვს“, - წერს ის.
ბარომ მიუსამძირა დაღუპულთა ოჯახებს და მხარდაჭერა გამოუცხადა ფრანგ დიპლომატებს, რომლებიც კიევში მუშაობას აგრძელებენ.
გარდა ამისა, საფრანგეთის საგარეო საქმეთა მინისტრმა კომენტარი გააკეთა რუსი მაღალჩინოსნების საჯარო განცხადებებზე ახლო აღმოსავლეთში მშვიდობის შესაძლებლობის შესახებ. ფრანგი მინისტრის თქმით, რუსებმა მშვიდობის დამყარება უკრაინიდან უნდა დაიწყონ.
„კრემლს [მივმართავ], რომელსაც სურს ახლო აღმოსავლეთში მშვიდობის დამყარება: დაიწყეთ ეს უკრაინიდან“, - წერს ის.
