აშშ-ის პრეზიდენტმა დონალდ ტრამპმა განაცხადა, რომ ირანი და ისრაელი მალე მიაღწევენ სამშვიდობო შეთანხმებას და რომ ის ამისთვის ბევრს აკეთებს.
ამის შესახებ ტრამპი სოციალურ Truth Social-ში წერს.
ტრამპი მიიჩნევს, რომ ირანმა და ისრაელმა „შეთანხმება უნდა დადონ“ და მას ამის მიღწევა ისევე შეუძლია, როგორც ინდოეთისა და პაკისტანის შემთხვევაში: ვაჭრობის გზით.
შემდეგ აშშ-ის პრეზიდენტმა ჩამოთვალა სხვა კონფლიქტები, რომელთა შეჩერებაც, მისი თქმით, მოახერხა: კოსოვოსა და სერბეთს შორის და ეგვიპტესა და ეთიოპიას შორის.
„ასევე, მალე ისრაელსა და ირანს შორის მშვიდობა დამყარდება! ამჟამად ბევრი სატელეფონო ზარი და შეხვედრა მიმდინარეობს. ბევრ რამეს ვაკეთებ, მაგრამ ამისთვის არასდროს მიმიღია აღიარება, მაგრამ ამას მნიშვნელობა არ აქვს, ხალხი ხვდება“, - დასძინა ტრამპმა.
მან თავისი პოსტი დაასრულა მოწოდებით: „გავხადოთ ახლო აღმოსავლეთი, კვლავ დიდებული".
