გერმანიის კანცლერმა ფრიდრიხ მერცმა განაცხადა, რომ დიდმა ბრიტანეთმა, საფრანგეთმა, გერმანიამ და შეერთებულმა შტატებმა უკრაინისთვის სამხედრო მიწოდების შეზღუდვები მოხსნეს.
„უკრაინას ახლა შეუძლია დაიცვას თავი, კერძოდ, რუსეთის ტერიტორიაზე სამხედრო პოზიციებზე დარტყმებით. გარკვეულ მომენტამდე მას ამის გაკეთება არ შეეძლო. ახლა უკრაინას ეს შეუძლია. ახლა შეუძლია სამხედრო სამიზნეებს ზურგს უკან დაარტყას და ეს უკრაინის მიერ ომის წარმოებისას გადამწყვეტ ცვლილებას წარმოადგენს“, - განაცხადა ფრიდრიხ მერცმა.
ინფორმაციას ადასტურებს Clash Report, რომელშიც ნათქვამია, რომ ბერლინი აღარ ზღუდავს უკრაინისთვის შორი მოქმედების იარაღის მიწოდებას. გამოცემა ასევე იუწყება, რომ უკრაინის შეიარაღებული ძალები, დიდი ალბათობით, გერმანული Taurus-ის ტიპის რაკეტებს მიიღებენ.
მერცმა ასევე ხაზი გაუსვა უკრაინის შორი მოქმედების იარაღით მომარაგების აუცილებლობას. მოსალოდნელია, რომ გერმანიას შეუძლია 100-150 რაკეტის მიწოდება, რომლებიც ბრიტანულ-ფრანგული Storm Shadow/SCALP-EG-ის მსგავსია.
