აშშ-ის პრეზიდენტმა დონალდ ტრამპმა უკრაინაზე რუსეთის მასიური თავდასხმიდან ერთი დღის შემდეგ განაცხადა, რომ რუსეთის პრეზიდენტი ვლადიმირ პუტინი გაგიჟდა.
„პუტინთან ყოველთვის ძალიან კარგი ურთიერთობა მქონდა, მაგრამ მას რაღაც დაემართა. ის სულ შეიშალა!" - დაწერა მან სოციალურ ქსელში.
„ის ხოცავს უამრავ ადამიანს და მე მხოლოდ სამხედროებს არ ვგულისხმობ. ჩვენ ვაწარმოებთ მოლაპარაკებებს და პარალელურად ის რაკეტებს ესვრის კიევსა და სხვა ქალაქებს. მე ეს საერთოდ არ მომწონს“, - თქვა ტრამპმა.
მისივე თქმით, მას მუდამ სჯეროდა, რომ პუტინს „სურს მთელი უკრაინის ხელში ჩაგდება და არა მისი ნაწილის“.
„მაგრამ თუ ის ამას გააკეთებს, ეს გამოიწვევს რუსეთის დაშლას“.
მან ასევე აღნიშნა, რომ განიხილავს მოსკოვის წინააღმდეგ დამატებითი სანქციების დაწესების შესაძლებლობას.
ამასთან, აშშ-ის პრეზიდენტმა უკრაინის ლიდერი ვოლოდიმირ ზელენსკი გააკრიტიკა.
მისი თქმით, ზელენსკი თავის ქვეყანას კარგს არაფერს უკეთებს. „ყველაფერი, რასაც ის ამბობს, პრობლემურია, მე ეს არ მომწონს და სჯობს გაჩუმდეს“.
მას ასევე ხაზი გაუსმვა, რომ ეს ომი ზ“ელენსკის, პუტინისა და ბაიდენის და არა ტრამპის“ ომია.
19 მაისს დონალდ ტრამპს სატელეფონო საუბარი ჰქონდა ვლადიმირ პუტინთან უკრაინაში რუსეთის ომის საკითხზე. საუბარი ორ საათზე მეტხანს გაგრძელდა.
დონალდ ტრამპი არჩევნებში გამარჯვებამდე ირწმუნებოდა, რომ ომის დასრულებას 24 საათში მოახერხებდა, თუმცა ამ დანაპირების შესრულებას ჯერჯერობით სასიკეთო პირი არ უჩანს.
