რუსეთი კრაკოვში რუსეთის გენერალური საკონსულოს დახურვის შემდეგ საპასუხო ზომებს მიიღებს, - ამის შესახებ რუსულ პროპაგანდისტულ მედიას „რია ნოვოსტი“-ს საგარეო საქმეთა სამინისტროს პრესსპიკერმა მარია ზახაროვამ განუცხადა.
„ვარშავა აგრძელებს ურთიერთობების განზრახ ნგრევას, მოქალაქეების ინტერესების საწინააღმდეგოდ მოქმედებს“, - თქვა მან.
ზახაროვას თქმით, „ამ არაადეკვატურ ნაბიჯებს ადეკვატური რეაგირება“ უახლოეს მომავალში მოჰყვება.
შეგახსენებთ, პოლონეთი ვარშავაში სავაჭრო ცენტრის დაწვაში რუსეთის დაზვერვის სამსახურების მონაწილეობის მტკიცებულებების არსებობის გამო, კრაკოვში რუსეთის საკონსულოს ფუნქციონირების ნებართვას აუქმებს.
