ოპოზიცია პოლიტიკურ სანაგვეზეა, რადგან მათ ნულოვანი რეიტინგი და მხარდაჭერა აქვთ, რადიკალური ოპოზიციის ადგილი პოლიტიკურ სივრცეში არ არის, – ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.
მისი თქმით, რადიკალიზმი და ექსტრემიზმი იმ ხალხით უნდა ჩანაცვლდეს, ვინც თავის სამშობლოს და ქვეყანას არ უღალატებს.
„ოპოზიცია უკვე აღიარებს, რომ რადიკალიზმი მარცხისთვის განწირულია. თვითმმართველობის არჩევნები კიდევ ერთი დადასტურება იქნება იმის, რომ ქართველი ხალხი მხარს ქვეყნის მშვიდობიან და ეკონომიკურ განვითარებას უჭერს მხარს და არა მაიდანს, ცეცხლს და ომს. მაიდანმა უკრაინაში რა შედეგი გამოიღო, კარგად ვიცით. როცა ზოგიერთი პარტნიორი მაიდანისკენ მოგვიწოდებს, საზოგადოებას შეუძლია, დასკვნა გამოიტანოს, ვის უნდა სიკეთე და ვის ბოროტება“, – განაცხადა მათიკაშვილმა.
